Les mots surlignés font l'objet d'une note
1Monseigneur, me retreuvant presentement pour accompagner
2le sieur Ludovic, qui ha receu lettres de Thurin par
3lesquelles l’advertissent comme le 3e du present passa
4sur le tard en poste le secretaire de monsieur du Ferrier,
5ambassadeur pour sa majesté à Venize, lequel dict à ma
6dame la duchesse de Savoye qu’il estoit mandé expres
7dudit sieur ambassadeur pour advertir le roy comme
8estoit arrivé à Venize une freghate, laquelle donnoit
9assurement advis comme l’armée chrestienne avoyt entierement
10rompu l’armée turquesque, ne disant aulcune particullarité.
11Je n’ay voullu fallir, oultre ce que vous en escrit mondit
12sieur, vous dire avoir veu ce que par deux lettres luy en vient
13escrit de Thurin, et que deux ou trois jours passés
14mondit sieur avoyt receu lettres par lesquelles estoit
15adverti que Don Joan estoit parti d’ung port auecque
16toutte l’armée chrestienne pour aller treuver l’armée
17turquesque, laquelle estoit au Canallet pour la
18combatre, conduisant le sieur Don Joan la batallie avecques
19soixante galeres, et le grand commandeur de Castillie
20le senestre, faisant le tout 186 galeres ; et qu’apres
22suivoit le secours de 19 nefs d’eslite et les 6 galieces,
23ne pouvant avoyr le Turc plus de deux cens vaisseaux
24de combat, que sont galeres ou galliottes, et que l’armée
25des chrestiens avoyt 30 000 combatans ; qu’est tout ce que
26vous puis escrire à present, attendant aultres particularités,
27lesquelles ne fauldrey incontinent vous escrire, priant le Createur,
28Monseigneur, vous donner en santé heureuse et longue vie. De
29Saluces, ce 6 octobre 72.
30Votre très humble et affectioné serviteur
31M. Bouvier